Tuesday 27th September 2022 at 04:50 PM
ਦਰਜ ਚਾਰ ਕਾਮਿਆਂ ਨੂੰ ਜਲਦ ਮਿਲਣਗੇ ਨਿਯੁਕਤੀ ਪੱਤਰ
ਨੌਕਰੀ ਕੱਚੀ ਹੋਵੇ ਜਾਂ ਪੱਕੀ ਉਸ ਨੂੰ ਕਰਦਿਆਂ ਕਈ ਵਾਰ ਗਲਤੀਆਂ ਵੀ ਹੁੰਦੀਆਂ ਹਨ ਅਤੇ ਕਈ ਵਾਰ ਗਲਤ ਇਲਜ਼ਾਮਾਂ ਦਾ ਖਮਿਆਜ਼ਾ ਵੀ ਭੁਗਤਣਾ ਪੈਂਦਾ ਹੈ। ਵੱਡੇ ਅਫਸਰਾਂ ਨਾਲ ਅੱਧਾ ਲਾਉਣਾ ਸੌਖਾ ਨਹੀਂ ਹੁੰਦਾ। ਗਰੀਬ ਨੂੰ ਅਤੇ ਕਮਜ਼ੋਰ ਨੂੰ ਟਿੱਚ ਸਮਝਣ ਦਾ ਰੁਝਾਨ ਪਿਛਲ ਲੰਮੇ ਸਮੇਂ ਦੌਰਾਨ ਵਧੀਆ ਹੀ ਹੈ। ਇਹਨਾਂ ਸਾਰੀਆਂ ਔਕੜਾਂ ਦਾ ਸਾਹਮਣਾ ਕਰਦਿਆਂ ਆਪਣੇ ਸਾਥੀਆਂ ਦਾ ਬਚਾਅ ਕਰਨ ਵਾਲੇ ਜਿਹੜੇ ਕੁਝ ਕੁ ਗਿਣਤੀ ਦੇ ਲੀਡਰ ਮੌਜੂਦ ਹਨ ਉਹਨਾਂ ਵਿੱਚ ਕਾਮਰੇਡ ਵਿਜੇ ਕੁਮਾਰ ਵੀ ਹਨ।
ਭਾਵੇਂ ਗੱਟਰ ਵਿੱਚ ਡਿੱਗਣ ਦਾ ਕੋਈ ਹਾਦਸਾ ਹੋਇਆ ਹੋਵੇ ਤੇ ਭਾਵੈਂ ਕਿਸੇ ਹੋਰ ਕਾਰਨ ਕੋਈ ਬੇਵਕਤੀ ਮੌਤ ਹੋਈ ਹੋਵੇ। ਦੁਖੀ ਪਰਿਵਾਰ ਕੋਲ ਪਹੁੰਚਣਾ ਅਤੇ ਉਸ ਪਰਿਵਾਰ ਦੀ ਸਹਾਇਤਾ ਕਰਨ ਵਾਲਿਆਂ ਕਾਮਰੇਡ ਵਿਜੇ ਅਤੇ ਉਹਨਾਂ ਦੇ ਆਗੂ ਸਰਗਰਮ ਰਹਿੰਦੇ ਹਨ। ਸਿਰਫ ਲੁਧਿਆਣਾ ਵਿੱਚ ਹੀ ਨਹੀਂ ਲੁਧਿਆਣਾ ਤੋਂ ਬਾਹਰ ਜਲੰਧਰ, ਮੋਗਾ, ਅੰਮ੍ਰਿਤਸਰ, ਮੋਹਾਲੀ ਅਤੇ ਫਿਰੋਜ਼ਪੁਰ ਵਰਗੀਆਂ ਕਿ ਥਾਂਵਾਂ ਤੇ ਪਹੁੰਚਦੀ ਹੈ ਇਹ ਸਾਰੀ ਟੀਮ। ਲੁਧਿਆਣਾ ਵਿਛ ਤਾਂ ਅਕਸਰ ਹਰ ਰੋਜ਼ ਇਹ ਸਾਰੇ ਸਰਗਰਮ ਰਹਿੰਦੇ ਹਨ।
ਅੱਜ ਨਗਰ ਨਿਗਮ ਜ਼ੋਨ-ਏ ਲੁਧਿਆਣਾ ਵਿਖੇ ਰਵਨੀਤ ਸਿੰਘ ਬਿੱਟੂ ਅਤੇ ਮੇਅਰ ਬਲਕਾਰ ਸਿੰਘ ਸੰਧੂ ਦੇ ਨਾਲ ਮਿਊਸਪਲ ਕਰਮਚਾਰੀ ਸੰਯੁਕਤ ਕਮੇਟੀ ਵੱਲੋਂ ਮੁਲਾਕਾਤ ਕੀਤੀ ਗਈ ਜਿਸ ਵਿਚ ਮੇਅਰ ਸਾਹਿਬ ਵੱਲੋਂ ਦਰਜਾ ਚਾਰ ਕਰਮਚਾਰੀਆਂ ਨੂੰ ਜਲਦ ਤੋਂ ਜਲਦ ਨਿਯੁਕਤੀ ਪੱਤਰ ਦੇਣ ਦਾ ਭਰੋਸਾ ਦਿੱਤਾ ਗਿਆ। ਇਸ ਮੁਲਾਕਾਤ ਦੌਰਾਨ ਕਾਮਰੇਡ ਵਿਜੇ ਕੁਮਾਰ, ਬਲਜੀਤ ਸਿੰਘ, ਦੀਪਕ ਹੰਸ, ਰਾਜੇਸ਼ ਕੁਮਾਰ ਆਦਿ ਮੁਲਾਜ਼ਮ ਸਾਥੀਆ ਵੱਲੋਂ ਮੁਲਾਕਾਤ ਕੀਤੀ ਗਈ। ਛੇਤੀ ਹੀ ਬਾਕੀ ਰਹਿੰਦੇ ਮਸਲੇ ਵੀ ਸੁਲਝਾਏ ਜਾਣਗੇ।
ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ।
No comments:
Post a Comment